ඔව් අම්මේ ඒ මැරෙන්න ගිය දුප්පත් කෙල්ල අද දොස්තරවරියක්

මම අමන්දි. මගේ මව කුවේටයට ගියේ මට අවුරුදු හතේදි. මට අම්මව යන්තමට මතකයි. අම්මත් එක්ක දවසක් කුරුණෑගල රෝහලෙන් බේත් අරගෙන ආ දවස අද වගේ මට මතකයි. එදා මගෙ මරණය සිද්ධ වෙන්න තිබුණු දවසක් කියලා කීවේ මගේ ආච්චි. එදා අම්මා මාව කුරුණෑගලට අරගෙන ගියේ පයින්ලු. කුරුණෑගල රෝහල ළග ඉදන් අපේ ගෙදරට හරියටම සැතපුම් තිහක් තියෙනවා. අම්ම කොහොමද මාව ඒ තරම් දුරක් පයින් එක්ක ගියේ. මට දැන් අම්ම කරපු ඒ දේ ගැන හිතද්දි ඇති වන්නේ අම්ම ගැන පුදුම ආදරයක්. මම අම්මට කවදාවත් බනින්නේ නෑ. එයා මගෙ පණ බේරුව මගේම අම්මා.

එදා මට හොදටම උණලු. රෝහලෙන් බේත් අරගෙන ගෙදර ආවෙත් පයින්ලු. අපේ ගම දුප්පත් ගමක්. තාර පාරේ ඉදන් සැත්පුම් පහමාරක් තියෙනවා අපේ ගේ ළගට. ඒ පාර ගුරු පාරක්. පාර දිගට පොල්වතු. ඉද හිටලා තමයි ගෙයක් තිබුණේ. රෝහලේ ඉදන් මාව වඩාගෙන අම්ම ඒ ආපු ගමන අම්මට බුදුවෙන්න තරම් ප්‍රමාණවත්. අපිව වැස්සට අහුවුණේ ඒ පොල් රුප්පා මැදදි. ඉහලන්න කුඩයක්වත් අම්මා ළග තිබිලා නෑ. අම්ම අඩ අඩා මාව ගෙදරට ගෙනාවේ රෙද්දක ඔතාගෙනලු. දෙයියෝ මාව බේරුව කියලයි ආච්චි කියන්නේ.

එහෙම මගෙ ජීවිතේ බේරපු අම්ම මාව දාල කුවේටයට ගියේ 1990 වසරේ. මගේ තාත්තා මම පොඩි කාලෙම මිය ගියා. තාත්තගේ රස්සාව වුණේ පොල් කඩන එක. තාත්තා මිය ගියේ පොල් ගහකින් වැටිලා. තාත්තා නැති අඩුව මට නොදැනුනේ තාත්ත කොයි වගේද කියලවත් මම නොදන්න නිසයි. මම ඉපදිලා අවුරුද්දකට පස්සෙයි තාත්තා මැරිලා තියෙන්නේ.

අම්මා රට ගියේ වෙන කරන්න දෙයක් නැති තැනලු. ආච්චි අම්ම තමයි මට හිටපු එකම ඥාතියා.කුවේටයට ගිය අම්මා ඊට පස්සේ මට දකින්න ලැබුණේ නෑ. එයා ඉන්නවද නැද්ද කියලවත් මම දන්නේ නෑ.

අම්මගේ නම වත්සලා රණවීර. රණවීර ආරච්චිගේ වත්සලා තමයි එයාගේ සම්පූර්ණ නම. අම්මාගේ උපන්ගම කොළඹ බොරැල්ලෙ. අම්ම රට ගියාට පස්සේ අවුරුදු තුනක් පමණ ආච්චි අම්මට මුදල් එව්වා. ඒ මුදල්වලින් ආච්චි අම්මා මට ඉගැන්නුවා. පොල් අතු හෙවිලි කරලා තිබුණ ගේ වෙනුවට උළු හෙවිළි කරපු ගෙයක් හදන්නත් ඒ සල්ලි ප්‍රමාණවත් වුණා. අපේ ගෙට කාමර දෙකක් තියෙනවා. කුස්සිය, ආලින්දියට අමතරව ඉස්තෝප්පු කෑල්ලකුත් තිබෙනවා. අම්ම එවපු ටී. වී. එක මේ ලිපිය ලියන මොහොතෙත් මට පේනව. අම්ම මට එවපු ඇදුම් පවා තවමත් මගේ අල්මාරියේ තියෙනව.ඒත් මට ඒ අම්ම දකින්න පින නෑ. 1990 දී කුවේටයට ගිය අම්මා 1993 න් පස්සේ අපිට ලියුමක්වත් එව්වේ නෑ. අනේ අම්මේ ඉන්න තැනකින් ගෙදර එන්න. අම්මාට පුදුම හිතෙන දෙයක් කියන්න මම මග බලාගෙන ඉන්නේ. අම්මට මතකද එදා වැස්සෙ තෙමීගෙන කුරුණෑගල රෝහලේ ඉදන් පයින්ම මාව වඩාගෙන ගෙදර ආපු හැටි.

එදා මගෙ උණ වැඩිවෙලා, සෙම්ප්‍රතිශ්‍යාව වැඩිවෙලා මම විදපු වේදනාව දැකලා අම්ම මටත් වැඩිය හයියෙන් අඩපු ඒ දවස මතකද ? මගේ රත්තරං අම්මේ. අම්මා තාමත් ජීවතුන් අතර ඉන්නවා කියලා මට විශ්වාසයි. අම්මට මගේ අතින් බේත් ටිකක් පොවන්න මම කොච්චර ආසද ? අම්මගෙ ප්‍රෙෂර් එක බලන්න, අම්මට උණ ගැනුනම බේත් දෙන්න. මම කොච්චර ආශාවෙන්ද ඉන්නේ අම්මේ.

එදා සැතපුම් තිහක් ගෙවාගෙන පයින්ම කුරුණෑගල රෝහලට උස්සගෙන ආපු ඒ දුප්පත් කෙල්ල අද දොස්තරවරියක් කියලා අම්ම දන්නවද ? ඔව් අම්මේ ඒ මැරෙන්න ගිය දුප්පත් කෙල්ල අද දොස්තරවරියක්. අම්ම දන්නවද අම්මේ, දුප්පත් දරුවෝ හොය හොයා ඒ අයට බේත් දෙනවා කියලා. මම දුප්පත් අයගෙන් සල්ලි ගන්නේ නෑ. අම්ම, තාත්තා නැති දරුවෝ  වෙනුවෙන් මම මගේ සේසතම වුණත් වැය කරනවා. අනේ අම්මේ ඔය කුවේටයේ හිටියා ඇති. ඉන්න තැනකින් අම්මගෙ දොස්තර දුව බලන්න එන්න. අම්මා ඔය රටේ බැල මෙහෙවර කළා ඇති.ආච්චියි මමයි දැන් ඉන්නේ කොළඹ. අපේ පරණ ගෙදර එහෙමම තියෙනවා. ඒ ගෙදර අද ඉන්නේ අපි වගේම දුප්පත් පවුලක්. ඒ පවුලෙත් දුවක් ඉන්නවා. එයාලට සලකන්නේ මමයි. අම්මට ඒ ගෙදරට ඇවිත් මාව හොයා ගන්න පුළුවන්.

මේ ලිපිය පත්තරේ පළ වුණොත් මගෙ අම්ම මේක දකීවි කියලා මට විශ්වාසයි. කුවේටයට ගිය අම්මගේ පින්තූරයක්වත් මගෙ ළග නෑ. ඒ රටේ කොහේ ඉන්නවද කියලා දන්නෙත් නෑ. ශ්‍රී ලංකා විදේශ සේවා නියුක්ති කාර්යාංශයෙන් මේ ගැන විමසන්න කිසිම ලියකියවිල්ලක් නෑ. මගෙ රත්තරං අම්මේ, මාව බලන්න ලංකාවට එන්න.

මේ අම්මගෙ
සෙනෙහස ඉල්ලන අමන්දි දුව.

ඉහතින් දක්වා ඇත්තේ අද දින ( 25 – 10 – 2009 ) දිවයින මැද පෙරදිග අතිරේකයේ පළවූ ලිපියකි. මෙය මෙරට ඇති මෙවන් කථා අතර තවත් එක් කථාවක් පමණයි. වර්ථමානයේදී ශ්‍රී ලංකාවට විදේශ විනිමය ලැබෙන ප්‍රධාන මාර්ගයක් වනුයේ විදේශ සේවයයි. සැබැවින්ම නම්, මෙරට සියලු පුරවැසියන් පිටරටින් ගෙන්වා කන පාන් පෙත්තක් ගානේ මොවුන්ට ණයය. නමුත්, මෙලෙස කාන්තාවන් විදේශ සේවා සදහා යැවීම මා අනුමත නොකරයි. ඉහත සිදුවීම එක් විශේෂ අවස්ථාවකි. අමන්දි ළග දෙමාපියන් නොසිටියද, මව එවූ මුදල් නිසිලෙස කළමණාකරණය කරමින් මැයට හොද අධ්‍යාපනයක් ලබාදීමට මැයගේ ආච්චි සමත්විය.නමුත් බොහෝවිට සිදුවන්නේ, මෙරටට එවන මුදල් යමෙකුගේ බේබදුකමට, සූදුවට ආදීලෙස නැතිනාස්තිවීමයි. අවසානයේදී දරුවන්ට මවගේ සෙනෙහස අහිමිකර ඔබ විදේශගත වූවාට ලැබූ දෙයක් නැතිවියහැක. ඇතැම්විට පවුල් ජීවිතයද විසිරීයෑහැක.

මෙහිදී තවත් එක් සිදුවීමක් මාගේ මතකයට පැමිණේ. මාගේ මිතුරෙකුගේ මවත්, පියාත් දෙදෙනාම සිටින්නේ විදේශගතවයි. ඔහුව රැකබලා ගනු ලැබුවේ ඔහුගේ මිත්තණියයි. ඔහු කුඩා කළ සිටම තම මිත්තණියට අමතනු ලබන්නේ ” හොද අම්මා ” යනුවෙන්ය. ඔව්, ඔහු සිටින්නේ තම මව සමග කෝපයකින්.

Advertisements

ප්‍රතිචාර 4

Filed under සංවේදී

4 responses to “ඔව් අම්මේ ඒ මැරෙන්න ගිය දුප්පත් කෙල්ල අද දොස්තරවරියක්

  1. Nipul GOONESEKERA

    I am sorry to say that I am not familiar with the Sinhala Keyboard. Please let me use SINGLISH….
    DIRIYA DIYANIYE OBEATA JAYA……BUDU SARANAI…..!

    If you need any help…please contact me on goonesekera@un.org

    Nipul GOONESEKERA
    Ivory Coast

  2. meka kiyewwahama es dekata kanndulu awa. aduma gane hitapu nagarayakwath dannawanam kiyanan. e pethiwala inna lankika ayata kiyala apita wisthara hoya ganan puluwan weyi. amma ewu liyumwala lipinayak hoa nagarayak thibune nedda ? api danna ayata kiyala yawanna uthsaha karamu.

  3. ඉහත ලිපිය ලියූ තැනැත්තිය සම්බන්ධ කරගත හැකි ආකාරයේ කිසිදු තොරතුරක් පුවත්පතේ පළවී නොතිබූ අතර,
    ඇයට උදව් කළ හැකි අය දිවයින, මැදපෙරදිග අතිරේකයේ සංස්කාරක වරයාගේ විද්‍යුත් තැපැල් ලිපිනයෙන් අවශ්‍ය තොරතුරු ලබාගන්නාමෙන් කාරුණිකව ඉල්ලා සිටිමි.

    e – mail : – ranasingheshiran@gmail.com

  4. hithata wadina anuwedaneeya siduweemak,
    aththa,
    ayge miththaniya ayawa hondin rakabala gath nisa ada aya dosthara variyak wa atha, nikan doctor keneku nowa yahapath minis hadawathak sahitha dosthara wariyaki.
    videsha gathwa mudal soyannata yana boho denata sidu wanne anekaki. mehi sandahan akarayatama anthimata labu deyak nathiwa sema thibena de da nathi veemai.
    me pilibadawa sitha baliyayuthui.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

w